كتب / زين السعيد
سائقين النقل الثقيل اشخاص تقود تريلا طولها بيتراوح ما بين 16 الي18متر يعني راجل بيقود اقل مشوار ليه 700ك يلو رايح جاي، يعني شخص بيحمل حموله تتراوح من 40 الي120طن
يعني شخص اقصي سرعه عنده وهو محمل بتتراوح مابين50 الي70 كيلو متر في الساعه وكده بالنسباله يبقي أقصى سرعة بالعربيه يعني شخص اقل مشوار له بيفضل سائق بـ ال10 ساعات
يعني شخص وهو محمل حمولة تقل الحمولة بيخليه يعني شخص بينام في الشارع كل يوم في بلد شكل يعني راجل لو فرده كاوتش عنده اتخرمت او شيعت وهو ماشي ممكن يتعطل في مكان مقطوع وهو محمل بضاعه بملايين وتعرضه للحراميه والبلطجيه وقطاع الطرق يعني راجل لما فرده كاوتش بتتخرم مش بينزل صليبه يحل بيها لا سيادتك ده بينام تحت التريلا في التراب ويرفع بالكوريك ولما يرفع يجيب العتله ومفتاح العجل ويبقي بيتنطط على مفتاح العجل لحد ما تحل ولو حلت مره واحده
وممسكش نفسه يمكن يقع ينكسر فيهايعني راجل بيشيل فردة كاوتش من العربيه ويركب غيرها وهي وزنها تقريبا 200 كيلو
يعني راجل مبيشوفش بيته ولا عياله بالشهر والاتنين والثلاثه بسبب شغله يعني راجل بيحترم الطريق اوي ويعمل ميت مليون حساب للحركه اللي بيتحركها على الطريق.
يعني راجل عايش حياته كلها ما بين طرق جبلية وصحراوية وبالنسباله للاكل والشرب اصعب حاجه يلاقيها يعني راجل تعبان وشقيان ومتمرمط عشان بضايع الناس توصل في وقتها يجيلك المنتج بتاعك من المصنع لحد بلدك يعني راجل شقيان وتعبان ومتمرمط عشان يحافظ على مال الناس ماسالتش نفسك ده بيأكل ازاي وبيشرب منين والا بيدخل الحمام فين وهو بيسوق الوقت ده كله في الاخر سواقين النقل التقيل دائما من المهدورين حقوقهم ، وعلى الدولة مراعاتها والاهتمام بهم فهم شريان الحياة للدولة ، وعدم وجودهم فينقص اهم ترس في عجلة الإنتاج والتقدم للدولة.
إتبعنا
