كتب/ عبدالحفيظ موسى
الفنان الحقيقي بيحترم دماء الأبرياء الفنانة المسرحية منى عمار تفتح النار وتنتقد بيومي فؤاد
انتقدت الفناة المسرحية منى عمار بيومي فؤاد وذلك بسبب مقطع الفيديو الذي نشره يهاجم فيه محمد سلام، بسبب اعتذار الأخير عن المشاركة في مسرحية “زواج اصطناعي” بموسم الرياض.
وصرحت منى عمار “انت كفنان مبدع ربنا انعم عليك بنعمة قدرها عظيم.. لو محترمتهاش محدش هيحترمك وهتبقى رخصت فنك ونفسك”
وأضافت: من سمو الفن إنه مرآة لمشاعر المجتمع.. الفنان الحقيقي بيكون مهموم بهموم الناس.. حاسس بيهم. بيعبر عنهم وعن الوجع اللي جواهم وحتى وهو بيرفه عنهم بيقدر يوصل رسالة تفيدهم وتأثر فيهم وهو بيرقق مشاعرهم”.
وأضافت منى : “الفنان الحقيقي بيحترم مهنته وبيحترم الموهبة اللي ربنا ادهاله وبيحترم نفسه وعارف قيمة فنه.. انا بريئة من العبث اللي بيحصل ده. الفن أرقى من كده بكتير
وكان بيومي فؤاد قد نشر مقطع فيديو عبر موقع تبادل الصور والفيديوهات إنستجرام، قال فيه: من حقك أنك تعتذر عن المسرحية، لكن مش من حقك أنك تغلط في فنك. إحنا ما بنجيش عشان نضحك حضراتكم. إحنا بنقدم فننا المصري، وإنتم بتحترمونا وإحنا بنحترمكم جدا
وأضاف: “شيء عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي.. محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف
واختتم: “إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا
اعتذار محمد سلام عن مسرحية زواج اصطناعي
يذكر أن محمد سلام كان اعتذر عن تقديمه المسرحية من خلال مقطع فيديو عبر حسابه على إنستجرام، قائلًا بكرة المفروض أسافر الرياض عشان أعرض مسرحية “زواج اصطناعى فى موسم الرياض، المفروض أنها مسرحية كوميدية فيها أغاني، استعراضات، والمفروض نعرض يوم 30 أكتوبر”.
وتابع: المفروض نعرض وسط الأحداث اللى بتحصل فى غزة، أنا مش متخيل إنى أروح أعمل مسرحية وإخواتنا فى فلسطين بيتقتلوا، أنا مش هقدر أسافر، كان عندى أمل الفترة اللى فاتت أن العرض يتلغي أو يتأجل
وأضاف:أنا حاسس لو عملت كده هكون زي اللي بيقتلهم وهكون خذلتهم، أنا بعتذر جدًا عن المشاركة في موسم الرياض
